學愛情投資專家Dickson咁講，婚姻係一宗利益分明嘅投資，條件保障之類嘅嘢講到明係好合理嘅。今日就有位男士為大家親身示範點樣清楚明確咁完成一宗成交。

成交價方面，就係婚禮費用各五成，仲有層樓同阿媽一齊住，按阿媽要求兩年內生到bb，婚後一齊儲錢留錢畀阿媽，最後就算離婚層樓都要畀阿媽住呢幾項嘅。

呢位女士見到份計劃書都覺得可以保留投資空間，但係自身購買力未係好充足，於是出post問下網友意見。

毛毛就覺得呢位男士有道理呀，愛恩斯坦都講過：百行以孝為先，阿媽都真係老喇，一定要好好咁照顧阿媽，所以不如你娶你阿媽算啦～

來源：kola_la/香港討論區