2015年08月27日 星期四
未開學先交功課 未做晒唔畀返學？
屯門有間中學出咗一張令學生睇完即灰鳩嘅通告，講明開學一個月前就要Check學生嘅功課進度，要求學生喺8月3號前最少要做完一半，唔單止，仲要學生喺8月27號（即係今日囉）親身返學校交功課，同學，你哋今日交咗未呀？
另外，張通告仲強調「所有未能依期完成作業之同學，須待完成作業後才可回校上課」！唔知點解，毛毛個腦即刻彈咗《補充練習無間做》嘅歌詞出嚟......
其實呢間中學都幾好吖，嗱，佢話未做晒唔使返學呀嘛，咁你哋班唔做功課嘅廢青咪可以光正明大、明張目膽咁唔返學囉，抄功課嘅力水都慳返呀，爽！
延伸閱讀：【此風不可長】暑期作業答案十蚊有交易？
