之前喺巴士見過無頭人，已經夠晒打冷震，但嗰時未到七月，都仲可以自我安慰呀。

好彩網友証實，巴士呢個哥仔只係玩手機玩到變咗超級低頭族人啫，咁都冇咁驚。

唔係啩，今日七月十四真係日光日白都咁猛？有讀者喺北角見到無頭人疑似喺度吸收日月精華，準備今晚子時生返個頭出嚟。佢雙手插袋，肯肯定唔係玩緊手機啦，唔通真係猛成咁……

正當毛毛驚到pk，覺得陰風陣陣想去校細啲個冷氣嘅時候，就見到咁嘅畫面。的神，你單手打字還單手打字，唔好耷到個頭咁低好冇？人嚇人冇藥醫㗎！

回帶：巴士驚現無頭人？！