今日正苦又開記招公佈邊個公屋嘅食水含鉛超標啦，但原來其中一條村，之前禮義廉都驗過，個結果係冇事㗎喎！咁……即係信邊個好呀？

正苦話上水清河邨第一期有十個樣本含鉛量超標。之後話咁快就有禮義廉fans(好似係)係網上post咗張禮義廉嘅單張：

單張上寫住清河邨全部樓嘅水樣本都冇超標，合附世界衛生組織嘅安全標準咁話。嗱但係，人哋都有寫返當中有兩個樣本係超標嘅，只不過而家個數就由二變成十，多咗5倍咁多，可能係冇拉匀咗咁多幢樓嚟計嘅結果啩。

其實禮義廉成日打錯字都已經是常識嚟㗎喇，佢打得啱先奇啦！所以今次呢張單張肯肯定都係打錯字啫！絕對唔會係驗錯！

資料來源：清河邨 & 祥龍圍邨 Ching Ho Estate & Cheung Lung Wai Estate、TVB