黨報《環球時報》一向持平公正、努力維護社會和諧穩定，噚日就登咗篇發人深省，叫〈究竟誰是最大的民主國家〉嘅撰文。

篇文大概係話外國勢力用埋晒啲陰濕招將強國排除喺「民主國家」行列之外，令世人誤會強國唔夠民主。文章仲話，用「民主」呀、「人權」呀、「自由」呀呢啲字眼，係落入西方嘅語言偽術！因為有民主人權自由，即係表示有「唔民主」、「唔人權」、「唔自由」！即係好似唔可以同小學生講「處女」咁，因為有「處女」咪即係有「非處女」，即係有性行為囉，So dirty！

講咗一大輪，其實最重要都係最尾嗰段「我們必須理直氣壯地說，中國才是最大的民主國家，中國還是民主治理比較廣泛而又有效的國家。如果我們不做此認定，就等於承認自己是不民主的國家了。」呢句！

考試之前同自己講唔驚，就唔會驚；想食嘢嘅時候同自己講唔餓，就唔會覺得餓；大大聲咁大嗌，強國好L民主，就會做咗最大民主國！呢套自我安慰法好使得呀！

其實黨報淨係話強國係最大民主國，好似唔多符合國情囉，根本強國喺好多方面都好出色，只要理直氣壯咁認定，就會成真㗎喇！

資料來源：環球時報