有見近日各界發起唔同嘅「一句話惹怒乜乜乜大賽」，但偏偏就係冇一個一句話惹怒689大賽。毛毛雖然唔係大家肚入面嗰條蟲，但都知道大家其實等咗呢個機會好耐，於是喺前日嘅《六點半左右新聞報道》入面，就由盤菜瑩子宣佈呢個比賽正式開始，等大家嗰團火，可以撻得著！

毛毛收到唔少高質嘅留言，而家就精心細選挑咗9句出嚟同大家分享，順手希望減輕阿Eric Chan嘅工作量，方便佢將最有火嘅話傳畀689，好好燃燒。

Tuit Tsz Ching：迪士尼迷：我細個睇小魚仙時已好鐘意你老婆架啦！

Doris Tao：「振英同志，党不需要你了 ，下月讓钰成上吧。」

Penny Leung：田少最近上京，聽聞獲習總親自接見，密談一個鐘喎，乜張曉明冇話你知咩？

Zachary Chan：用番佢個女金句：Courage and loyalty are the virtues I value the most. My mother embodies the exact opposites of both

Nic Nickson：恭祝齊陰Gphone早日天結良緣 共諧連理 孝順父母 !

呢幾位讀者睇嚟非常了解689，分別從佢嘅愛情、事業、家庭等方面嘗試幫689撻返著佢嗰把火，希望佢愛國之心可以燃燒得更9(應該係）。

Sherman Chu：未辣著佢。。。。。辣著左自己先就有份  見到佢已經起緊火

Patrick Chan：唔好咁天真啦，人地面皮成丈厚...

Phil Wong：個面皮咁厚~講一百句都撻唔着佢LA!

Athena Mak：齊陰表示，無難度！

而呢幾位讀者雖然突破盲腸，看透鳥世事，但一開波就扯晒白旗，仲要將個波踢返畀齊陰BB，差緊啲體育精神囉。

555555，不過你哋嘅意見，Eric Chan表示收到晒㗎喇，會盡力post畀689睇㗎喇喎（好似係）。