經黨嘅大力宣傳，加上皇恩浩蕩嘅額外假期，相信而家冇人唔知道9月3號係抗戰勝利70周年嘅紀念日。不過淨係知道贏咗場仗係笨唔足夠㗎，一定要認識深入呢段歷史，了解打仗嘅過程，唔好人云亦云，以為真係國民黨咁英明神勇立下大功，帶領中國打低日本仔。

有鑑於國情教育未能全面實施，國民教育喺香港學校推行亦遙遙無期，令到一班廢青被蒙騙，錯誤學習歷史，史實電影《開羅宣言》率先9正大眾思想，透過海報同影片，希望可以令大眾知道，毛爺爺嘅汗馬功勞。不過，從一班廢青大力改圖恥笑呢張海報就知道，佢哋根本未受教。於是，強國惟有再加強教育宣傳，喺北京重要嘅道路上面掛banner，大大隻字寫住：「中國共產黨是中國人民抗日戰爭的中流砥柱！」

做咁多功夫，其實都係想你班廢青認清史實，打得贏呢場仗，全靠當時喺西部指揮兵仔嘅黨咋！要不是黨嘅奮勇抗戰，你哋9月3號會有假放？

來源：大公網

延伸閱讀：【乜都有可能】《開羅宣言》海報 蔣介石變毛主席