2015年08月31日 星期一
【過咗十四都咁猛】鬼同你揸車？
而家唔少司機都會裝個cam喺倒後鏡影實路面情況，揸車出咗咩事都有得睇返playback呀嘛，不過好多時都會影到啲意外收穫嘅，就好似影到男友用自己架車同女女車震（首先，你要有……然後，仲要有……），或者更加驚嚇嘅片咁。
有網友post咗條片，可以見到樓主轉彎時，前面有有架紅色大貨車，慢慢咁向前。
跟住架大貨車停咗停，先再慢慢轉左，又幾禮讓啵。不過呢，喂睇L住呀，實撞落前面架黑色車度啦咁搞法！喂喂喂，真係睇L住，仆你個＿，司機位冇人嘅喂？！
Magic moment嚟了，架大貨車竟然好似真係有人揸車咁，去到黑色車前面就停低咗，完全冇撞到任何嘢。唔通…… 個「司機」真係睇緊路嘅……
有網友朝早影到架大貨車已經歸位。55，唔知又係咪無人駕駛倒車呢？唔通「嗰度」都有通漲，「司機」唔夠錢使，所以要開OT賺餐晏仔？
毛毛search過大貨車上面個公司名，原來係專搞酒席到會嘅。唔搵好過搵，毛毛而家覺得好陰陰寒……
