平時食親好西都係喺市區，毛毛豬都悶啦！毛毛就話粉嶺有特別西，第度冇㗎，想帶我去試吓喎～好啦就睇吓有幾特別！

一上菜就畀佢個樣嚇親，四塊多士擺晒陣咁，中間嗰塊鹹牛肉蛋餅仲厚過毛毛塊面皮。

嗰四塊多士其實同普通嘅烘底多士冇咩分別，至於個蛋牛餅就幾足料啦，食落啖啖肉，真係仲厚過個鐵餅㗎 ！

不過食完之後會好重罪惡感......都唔知要做幾多運動先減得返啦......嗚。

嗱，呢度嘅侍應姐姐落單速度好快㗎，記住諗定自己食咩先好落單呀，畀姐姐串......唔關毛毛豬事㗎。

餐廳資料：

漢興茶檔

地址：粉嶺聯和墟聯興街3號地下

營業時間：星期一至六: 05:00 - 15:00、星期日: 休息