鉛水風波陪咗香港人成個暑假，到今時今日開學喇，都仲係未解決，仲愈嚟愈多地方發現食水含鉛。

不過唔使驚，禮義廉喺大廳！政府未做嘢之前，禮義廉早已經抽驗咗食水喇！雖然化驗結果呢就……有些少，啲啲咁多多，真係少少嘅偏差，但都起碼叫有做嘢呀。香港，勝在有DAB！

今日蔣元秋喺立法會就巧威威咁話：「我哋民建聯都驗咗幾十條邨啦，連埋私人邨成一百條邨?啦，已經驗哂啦」，即係質疑正苦做嘢慢咁話喇啵。敢於為民發聲，唔會盲目奶正苦，唔怪得咁多人撐禮義廉啦！

奶媽聽到蔣元秋咁串咀，當然唔執輸，拋返佢浪頭，話「我必須要呼籲你應該要搵啲合資格嘅化驗所先可以驗」，一句就KO蔣元秋，奶媽真係奶媽，同妹妹仔係唔同level。

其實奶媽已經好好語氣㗎喇，比著曾主席，只係會講句「我建議你考慮少啲講啲冇乜用嘅說話」㗎咋。

資料來源：蘋果日報

延伸閱讀：【難分真與假】禮義廉話冇事但正苦話含鉛超標