元朗今日有個新商場開業，佢個名嗌出嚟型到一個點，就係叫形點！

可惜一班廢青一啲都唔識欣賞，仲喺度笑9人哋個名唔知想點，喂，一睇就知同嗰幾點有關啦，我指標誌上嗰幾點（好似係）。其實香港仲有唔少商場同形點一樣，改名嗰個人充滿創意，可惜香港人習慣刻板，跳唔出框框接受唔到呢啲突破盲腸嘅商場名，等毛毛同你哋檢閱一下：

西九匯

呢個商場匯集中英數文化於一身，就咁睇中文名你可能覺得佢平平無奇，咪又係普通商場一個，但識睇一定睇英文，神翻譯呀West9zone，肯肯定唔係用Google translate！

欣榮商場

呢個商場前世係叫「欣榮花園購物商場」㗎，經過改名比賽之後，喺39個參賽者中間，精心挑選咗7個得獎者改嘅「欣榮商場」出嚟做新名㗎，既簡單又直接。

PORNCORN

嗱，Popcorn個名呢，本身就冇乜特別嘅，全靠禮義廉嘅神來之筆，幫佢改咗叫Porncorn，佢先能夠晉身5強咋！喂，一個商場明張目膽咁前衛咁開放，仲唔夠型呀？

無限極廣場

我知你哋一定睇咗做on__無極限商場，唔同lvl真係講多都無謂。創意呢家嘢，同學海一樣，無涯㗎，呢個名直情係型到盡頭⋯⋯555555。

來源：盡在元朗、香港鐵路大典、http://aa1047.pixnet.net/

延伸閱讀：【真係好出色】呢啲咪創意囉、淫賤聯成功爭取PORNCORN商場？！