「起來，不願做奴隸的人民⋯⋯」今日係成立咗66年嘅國家抗戰勝利70周年嘅大日子呀！梗係要普世歡騰，大事慶祝啦。

嗱，我哋呢啲一般小巿民咪放假當慶祝囉，而一班盡心盡力為國家同巿民服務嘅膠官，就繼續勤奮地工作，同689一齊上京閱兵，住中國職工之家酒店呀。我點解知得咁清楚？我都係喺佢哋facebook睇到㗎咋！

禮義廉副主席噚晚已經急不及待要同大家分享佢能夠分享國家抗戰勝利嘅喜悅，將佢同阿克勤一齊上京嘅相上載咗喺facebook，仲話保安做得好嚴密。咦？等等，之前唔係話網絡限制會升級，唔畀翻牆㗎咩？

咁點解，點解周副主席仲可以咁明張目膽上到facebook嘅？

唔止周副主席，佢個friend阿克勤亦都啱啱喺facebook打卡，Say Hi to 習大大、克強總理報到呀。喂，而家喺強國上facebook喎，又點啫？佢都係想多啲人可以隔住個mon都感受到強國嘅偉大，同埋畀大家知道強國絕對唔係好似大家口中所講咁專制、咁封閉㗎！

來源：周浩鼎、陳克勤

延伸閱讀：冇得上FB唔緊要 我們還有黨！