2015年09月03日 星期四
【成地花生】閱兵直播 識睇一定睇留言
今日就係9.3閱兵嘅大日子，一早就喺天安門廣場隆重舉行！聽講689仲帶咗300個代表出席閱兵儀式?～雖然689冇帶埋毛毛去，但愛國嘅毛毛都會黐實個YouTube睇直播，睇吓國家嘅軍事實力有幾強大，同步閱丁兵。
不過毛毛一路睇，隔籬就係咁彈啲鬧9強國嘅留言出嚟，又話「翻墙狗能滚回墙内看优酷土豆吗？」，睇到毛毛真係好嬲豬，點可以咁樣話我哋偉大嘅祖國同胞㗎，冇啲素質！特別喺今日呢個普天同慶嘅大日子就更加應該包容！
好在仲有好多愛國人士喺到，不過由於佢哋已經畀人鬧到上心口，所以先忍無可忍，要反擊返啲唔識感恩嘅傻豬豬......
睇到啦，人哋都話唔使翻牆，你哋做咩要屈9人啫～咪話咗萬大事都要河蟹、河蟹囉！你哋班傻豬豬知錯咩？係咪想收返呢一日假期呀？
