無論你識唔識影相，都一定會去南生圍影相。結婚相呀、畢業相呀、偽術相呀、青春相呀咁，一班（偽？）文青仲好鍾意喺嗰度踩單車同野餐乜乜乜～毛毛都想約毛毛豬去野餐，互相了解一吓，點知佢話：「條橋都冧咗，點影相呃Like喎！」......

原來係佢喺Facebook見到本土研究社Post咗張南生圍嘅相，話條橋又冧咗......實在太危險，如果毛毛豬去到唔小心跌咗落水，咁咪濕晒囉......好易凍親㗎嘛！

有網民話問過士多腦細，原來係拍戲嗰陣換咗新木，之但係啲新木好唔襟踩，踩兩踩就爛，應該唔係強國木啩！

不過唔緊要啦，橫掂佢都成日冧，成條拆咗咪唔會冧囉，既快捷，又方便！

來源：本土研究社 Liber Research Community