噚日好似係閱兵嘅大日子，除咗女兵喺男廁整理儀容張相被瘋傳之外，強國網民之間都瘋傳緊一個疑似公然挑戰習總嘅Post，可惜喺毛毛想搵返個Post嚟睇嘅時候，偉大嘅祖國已經迅速將佢河蟹！好多個Post都淨係見到「很抱歉，该贴已被删除」呢幾隻字......

不過為咗滿足大家嘅求知慾，毛毛係絕對唔會放棄，終於畀我搵到個Post喇！咦，根據呢個網民所講嘅特徵，佢唔通講緊......不過強國同胞一向都好愛國，冇理由會作反㗎！肯肯定唔係講緊你諗緊我諗緊你諗緊嗰個偉大人物！

而絕大部份嘅回覆都係話「招惹不起，敬请保持围观姿态！」，但竟然有個網民話：「已处理，该同志已在天安门城楼罚站两小时」，吓！原來真相係畀人罰企？

睇嚟遲啲唔止呢個Post會被河蟹，連以上咁多位網民都將會被河蟹，不過唔緊要啦，能夠畀國家河蟹都算係一種光榮！

來源：百度貼吧、傲游哈哈、CCTV中文 YouTube Channel