2015年09月04日 星期五
【有牌 真係唔抄？】警察溫馨提示
學一哥話齋，香港警察真係好似慈母咁一直關心同愛護住我哋，好似今日就有網民收到封警察嘅警告信：
雖然呢位網友非法泊車，但係一直用心對待市民嘅慈母並冇即刻抄佢牌，反而係出封警告信，提醒佢唔好再犯啦好駛走架車啦咁，話就話警告信但其實係溫馨提示嚟囉！你知啦一張牛肉乾成幾舊水，我哋呢啲平民真係畀唔起㗎嗚嗚。今次呢位網民真係要多謝慈母嘅不殺之恩啦！
如果慈母早啲格外開恩，咁呢個賢仔咪唔洗又要自殺又喊晒咁啦。
咪住先，做咩慈母呢排好似轉死性咁嘅？毛毛有啲驚喎......
資料來源：小心駕駛(討論別人駕駛態度)
