有妹妹仔之稱嘅蔣元秋講過，你飲得人哋嘅水，你就要感恩！不過啲廢青好似仲係唔係好明白黨嘅恩情囉，所以有團體就舉辦咗一個東江水膠流團，畀大家學習吓點樣去感恩。

吹到可以令社會河蟹添喎，搞到毛毛真係好想參加，所以就去咗佢個網度了解詳情：

佢話喎，以前香港制水嘅時候，香港人成日都冇水飲，多得阿爺！多得東江水！香港人先有鉛水飲咋！

你班廢青成日埋怨要飲鉛水，最近仲進化到要飲埋屎水，知唔知以前啲人連呢啲水都冇得飲㗎！毛毛強烈建議捉晒班廢青去參加呢個膠流團，親身感受吓水嘅鉛頭，咁就啱喇！

講咁耐，呢個咁有深度嘅膠流團到底係邊個舉辦嘅呢？

哦～國民教育促進會吓嘛，唔怪之得咁有遠見啦。大家都明㗎喇。

資料來源：柴灣人柴灣事、香港國民教育促進會