讀書時候個個都試過捱頹飯嘅日子，打幾份part time都仲係窮窮地因為要留返啲錢去玩吖嘛！於是「頹飯」呢個暱稱就用嚟稱呼嗰啲平到喊得啲頹餸加pat汁唔好食但又填得飽個肚嘅飯喇！

可能班canteen阿姐見啲同學仔個樣食到咁頹，就索性將佢叫「頹飯」啦，真係沒有更直線嘅描述呀！

班同學仔就好buy呢個革命性嘅餐牌，仲將呢件事成性為「頹飯正名運動」，In Hea-style We Trust！

可惜話咁快呢個革命就受到挫敗，呢個被受追捧嘅頹飯今日就變返「特價飯」喇。哇一碟三餸飯都係11.5咋，班學生頹得嚟幾幸福，而家出面幾想頹都要三四十蚊呀唉。

毛毛都好支持呢個「頹飯正名運動」，因為頹嘅唔係呢碟飯咁簡單，而係代表咗成間大學同學仔萬眾一心嘅「頹魂」呀！