好多人話香港人好慘慘豬，生仔冇床位、返學冇學位、返工又冇得上位，連想入土為安都冇骨灰龕位呀，但毛毛唔同意㗎，住喺中國香港不知幾幸福，真係感恩都嚟唔切啦......計毛毛話，其實係香港人唔識善用啲位啫！ 

最近網上就流傳咗幾張完美示範點樣慳位泊車嘅相，毛毛睇得出呢個司機應該想嘗試挑戰兩轆駕駛兼打側泊車，終於畀佢得咗鳥！而喺張相度見到，呢種泊法真係好慳位，泊完仲有咁大條路畀人行，四個私煙平排行都仲得！

香港人學吓呢個司機點泊車咪唔使有咁多土地問題囉，不過都係嗰句，首先......你要有架車。

來源：Chi Hung Stephen Tam／馬鞍山之友