返工畀腦細揸到盡一盡是常識吧，而家做行政助理要識IT ps ai水喉電工會計哲學心理是常識吧。就好似呢份HR咁，要識揸貨車㗎，返工即刻變人乾真係唔出奇喎。

唉係咁㗎啦，至少人乾都係仲係人吖，唔使你班廢青做到人唔似人鬼唔似鬼已經好好人㗎喇，仲唔感恩？

可能你會話，唓打錯字啫想寫「人事」下嘛，嗱作為一個速成L，毛毛都深明揀錯數字係好平常，但係個「事」字同個「乾」字差好鬼遠喎！

根據毛毛嘅心理分析，呢位出請人post嘅同事其實咪即係HR，佢一定係因為自己已經做到變人乾先做呢個沉默的控訴呀！

圖片來源: jiujik