一年容易又中秋，話咁快就到議員們大派蛇齋餅糉個餅嘅時候喇！

有讀者收到左匯雄議員嘅message，叫去佢左議員office拎月餅福包呀！仲要就算冇收到信都可以拎㗎，咁咪人人有餅食囉，左議員真係一視同仁，好為街坊著想呀！

咦，左議員係邊位呢？原來佢係鼠王芬搞嘅西九新動力嘅一個成員。哦，鼠王芬嘅FD子嚟嘅，唔怪得一睇就知係實事區議員啦～

但係隔咗一個鐘都冇，又收到左議員嘅message喇，唔通佢見就嚟選舉，想加碼一次過送埋蛇齋糉？呀唓，原來係叫人當睇佢之前個message唔到囉！邊有得咁㗎，話送又唔送，彈出又彈入咁，仲hurt過從來沒有從來都沒有囉。