2015年09月08日 星期二
【鬼同你攞獎】消失的得獎者
毛毛不嬲都冇乜抽獎運，所以次次見到facebook有咩like完再tag 19個FD子再share再留言就可以有機會抽獎嗰啲post，都會直接無視。如果見到人哋post得獎名單，咪提子下囉，唔係點啫？
有讀者見到有個page 開咗個post，叫得獎嘅幸運兒inbox返佢哋呀。但係呢15位幸運兒嘅名字係…… 嗯嗯，唔通要聰明人先睇到嘅？
咦喂，七月好似未過喎，會唔會係畀「朋友仔」拎㗎啲獎……諗下都心慌慌呀。
唔知佢是咪其中一個得獎者呢……冇頭都要清毛孔，使唔使咁貪靚呀？
