噚晚有冇睇波撐港隊呀？港隊落力追返2比3，睇到毛毛超肉緊！

以建設美好香港為奮鬥目標嘅培青社當然都唔例外，一樣有撐港隊啦，仲非常少有地出咗個充滿正能量嘅post，大讚香港隊勁揪。

碌埋落去，就見到培青社原來唔止關心淫亂ocamp同廢青問題㗎，「天有晴」同「花千骨」admin大大都一樣好留意香港球壇，呢排出咗唔少post講香港隊，單係鬧爆英雄輝嘅都已經有7個。

仲有唔少post係透過足球新聞宣揚愛國思想，好似訓勉廢青們要唱國歌，同教導大家香港人一定要黑頭髮黃皮膚（即係Minions咁囉）嘅。

一時鬧爆一時激讚，真係極危險，連思覺像也……唔知之前問689今日食咗藥未隻機械人有得賣未呢？

資料來源：香港培青社

延伸閱讀：689你今日食咗藥未？