今晚就係iPhone 6s嘅發佈會，毛毛都好心急想睇吓到底部新iPhone有幾咁把炮。而噚日竟然有來自深圳科技萬惡之城－華強北嘅報價表流出，仲講到明今個月18、19號就有得拎貨，遲一日賠$500?！

嘩，5.5吋嘅粉紅色iPhone 6s竟然要成$17800？唉......你哋唔知咁多㗎喇，整一間「蘋果店」好高成本㗎，又要整證件，又要買制服Logo乜乜乜，一部電話賣$17800差唔多啦～重點係粉紅色⋯⋯可遇不可求嘛！而且對強國人嚟講，錢根本唔係問題，可以比人行先一步用到新iPhone又有咩所謂喎 （應該係）！

留意返，毛毛知好多人對強國都有好大嘅誤解，凝住佢哋成日有A貨，但今次大家可以放心，因為張報價表上面大大隻字寫住「真实货源，假一陪命」，嗱！連條命都可以畀埋你，啲貨肯肯定係正貨啦，應該！咪住，識字嘅一定睇得出佢係話「陪命」唔係「賠命」......

來源：蘋果日報、微博

延伸閱讀：【唔係啩】聽日出新iPhone 強國有首發？