香港正苦真係好鍾意與眾同樂，例如中西區嚟緊就會喺下星期六舉行中秋綵燈晚會呀！

係開心嘅，有得玩又有得食，仲有表演睇同燈籠送，不過，中秋就中秋啦，點解後面會連埋慶祝國慶六十六周年嘅？

毛毛知啦！呢個活動肯肯定係正苦為咗培養我哋嘅愛國之情而搞嘅，加上要善用公帑，橫掂中秋同國慶前後都係差幾日，咪溝埋嚟一齊慶祝冇咁笨囉！

你估搞一個晚會少嘢呀？由籌備到宣傳到晚會嗰日到事後嘅手尾，要用好多人力物力㗎，而家夾埋一齊搞可以集中啲資源嘛，我諗嫦娥同毛主席唔會介意嘅。你班廢青成日話正苦做嘢慢，嗱人哋而家提早大半個月嚟搞呀！夠晒效率喇掛？

資料來源：西環變幻時、香港政府一站通