開學冇耐，學生就梗係要交返啲暑期功課啦。有間喺沙田嘅名校，出咗一條中文作文題畀中二級嘅學生，題目係要學生用描寫人物嘅手法，透過肖像、語言或者行動去描寫一個佢哋覺得好欽敬、盡忠職守、敬業樂業嘅人。

而呢位中二嘅同學仔最欽敬嘅人物就係每日以保護香港巿民為己任嘅慈母喇！佢只係用咗短短二百字，就將佢對慈母嗰份崇拜嘅感情，淋漓盡致咁寫晒出嚟！

呢個同學仔善用例子，指出慈母喺camera錄住嘅情況底下都依然矢志堅持黨嘅任務，而全文總共用咗6次「盡忠職守」，證明慈母真係好盡忠職守，所以要講6次，我睇到都覺得好滾動呀！另外，佢喺尾段仲指出做人一定要好似慈母咁盡忠職守先至有前途，少年你咁年輕都睇得咁通透、咁明白國事，人才啊！

上次就英文作文，今次就中文，嗚呀，我哋嘅下一代真係好出色，邊個仲話佢哋係廢青啊？

來源：名校Secrets

延伸閱讀：【震撼了689個人】一位中三同學的作文