常言道，有得揀，先至係老闆。所以好多茶記都會推出19幾個餐牌，百9幾個組合，好似餐蛋麵、腿蛋麵、餐腿麵同餐腿蛋麵咁，畀客人慢慢揀，蔗渣嘅價錢，都食出燒鵝嘅享受。

呢間茶記就深明客仔鍾意有得揀嘅大道理，淨係湯飯都有成10款，咁多選擇，真係帶女神去都唔會失禮喎。睇下有咩揀先…… 咦，乜1號同6號、2號同7號咁似嘅？我挑，原來成個menu重覆咗嘅？

嗯嗯，個茶記老闆是咪喺8月31號訂個menu㗎？其實個menu唔係想欺騙大家感情，學奶媽佢哋話齋，唔係冇得揀㗎，好民主㗎，真係好多選擇㗎。