日里萬機冇得唞嘅孽瘤去歐洲玩完又去北京閱兵，返到香港又要搞海上絲綢之路協會成立典禮，相信好多佢嘅fan屎都好心痛豬佢咁頻頻撲撲。

孽瘤今日post咗張相，話自己同兩位顧問食飯，睇見佢終於有得唞下，fan屎們唔使咁擔心啦。

其中一位顧問係馬來西亞旅遊部部長吳燕燕醫生，孽瘤仲話佢哋屋企人都係華僑，所以好啱key咁話喎。平時見孽瘤好似冇乜FD子咁，但原來收埋收埋啫，佢都有個一樣咁叻女又好傾嘅朋友㗎。

不過吳燕燕醫生好似……唔係姓吳，係姓黃㗎啵。孽瘤你下次食飯之前都係問清楚吳小姐你貴姓先啦！

其實孽瘤呢啲實事高官，又點會同人食完飯都唔知人地貴姓仲要喺facebook post相懶friend咁大意？肯肯定又係Eric Chan唔好囉，Eric Chan你成q日做錯嘢，毛毛連status都幫你寫埋喇，廢事你寫唔切又畀主子鬧！

資料來源：Regina Ip facebook、維基百科