2015年09月10日 星期四
【出現鳥】iOS 9.1 新emoji有東方昇？
蘋果除咗話9月16號就會有iOS9之外，仲有iOS9.1 Beta版畀開發者用先呀，聽講呢個新版會加咗好多emoji㗎，等毛毛同大家做個巡禮先～
第1行個粗框眼鏡哨牙仔巧打耳呀～仲有個含住支針嘅，啱晒我sick leave嗰陣用！睇真啲，喂，包住頭嗰個咪東方昇？
好威威豬呀！而且仲終於止咗血?喇！喂，但小心啲呀，咁明張目膽勾結外國勢力好危險㗎！between，唔止東方昇呀，仲連黃絲帶都有呀！
反了反了！iOS9.1公然支持黃屍廢青！禮義廉一班智將咁鍾意用啲咩菊花烏龜嚟傾計，嚟緊咪大把新emoji畀佢哋用囉，不過毛毛建議佢哋都係唔好再用whatsapp喇，等陣唔係唔小心被流出內容，而係唔小心用錯黃屍emoji呀，到時真係水洗都唔清呀！
