噚晚，有個小巴司機大佬落車買飯之後畀JING CHA抄牌，開車走嘅時候有JING CHA話右手畀小巴撞到，仲話司機大佬危險駕駛，引起爭執，於是就發生咗紅van佔旺事件。

唔少司機大佬都好嬲豬JING CHA針對性抄牌同郁手打人，所以call馬佔旺，塞咗幾個鐘。

爭執嘅時候，有司機大佬拍片影低威風凜凜嘅JING CHA執行職務時嗁英姿，但編號50015嘅邱智聰冏員就話唔畀影相，講咗幾句，就見到個鏡頭郁嚟郁去，仲聽到司機大佬係咁話「你做乜嘢先！唔好郁手郁腳呀！」，唔通邱冏員畀人影到嬲嬲哋，出手用慈母般嘅雙手輕撫司機大佬？

邱冏員原來唔係第一次上鏡㗎喇，佢舊年10月都試過同其他JING CHA一齊圍住一個酒店職員，話自己係50015，又話自己情緒好高漲，起勢咁鬧四眼哥哥是咪玩差人。雖然JING CHA一句粗口都冇講，但嗰種霸氣真係撼動人心！毛毛仲以為自己睇緊《收規華》呀！

邱冏員無論對司機大佬定酒店職員嘅一番說話，都喺咁語重深長，隔住個mon都feel到佢母愛爆棚啦。原來佢巧威威，2007年嘅時候攞過長期服務獎章同加敘勳扣㗎！唔怪得表現咁出色啦！要品格、行為良好先攞到呢個獎㗎！

一啲都唔使驚訝喎，JING隊都拎到最佳公眾形象獎啦，邱冏員做到良好典範又有咩咁出奇？其實正苦好應該另外醒返個最仆佳公眾形象獎畀邱冏員，讚揚佢仆心仆命咁維持JING隊嘅霸氣形象囉！

資料來源：無綫新聞、9/9/2015 旺角小巴Youtube、蘋果日報、第2830號公告、政府總部禮賓處

延伸閱讀：【啪啪啪】慈母拎「最佳公眾形象」銀獎