港鐵一向都致力改善服務質素，除咗穩定班次之外，可以做到嘅佢都盡量做，令乘客搭港鐵嘅時候可以舒服到有種家嘅感覺！

呢位大媽物盡其用，見港鐵站月台有個插蘇吉咗出嚟，就插咗條……線入去叉叉電。嗯，離開，是為了回來，休息，是為了再上路，叉足電，先可以繼續去下一站鳩嗚嘛。

話唔定港鐵見自己成日加價，有啲唔好意思，諗住推出全日性叉電服務啩，畀大家喺等下班、下下班、下下下班⋯⋯車嘅時候叉一叉返電，唔好嘥咗啲時間嘛，咁未叉完咪再等多幾班車囉，佢仲可以乘機紓緩人流，一舉兩得，得咗！

不過其實大家使乜大驚小怪喎，而家啲人都當正港鐵係屋企咁，又瞓覺豬又做愛做的事㗎啦，叉個電，好小事之嘛。

資料來源：迴光返照

延伸閱讀：現實版情陷夜中環