你以為交齊功課係學生自己嘅責任？有神獸家長就突破盲腸，話個仔交唔齊功課都係因為學校唔派功課袋呀！

由中一新生，去到中四中五嘅學生家長都非常關注功課袋嘅問題，仲吹到話自己個仔做齊晒啲功課，點知就係爭緊呢個生命中不可缺少的袋，就交唔到囉。同學仔有個袋袋傍身真係好重要，學校早就應該每人派個袋啦，咁咪可以確保安全，唔會有咁多問題囉。嗱，我一路都係講緊功課袋㗎咋。

神獸家長sss仲極力要求學派袋，但就一定要喺個袋上面打埋英文校名囉，驚工人姐姐唔識睇中文嘛，幾細心呀，就肯肯定唔係為咗畀個細路孭出街威威豬啲嘅！

仲畀埋個功課袋sample畀老師參考，夠晒體貼！

講真，啲家長咁講並唔係冇道理㗎。被公認盡忠職守、成功保護巿民嘅慈母，都有好多袋㗎，又槍袋、又手拷袋、又水壺袋乜乜乜咁 （應該係，除非唔係）！

資料來源：90後教師決戰怪獸家長