雖然蘋果為迎合強國同胞口味而特登出咗土豪金同（所謂嘅）玫瑰金，但作為強國人，愛國就要用國貨，唔會助長外國勢力嘅威風！所以唔少同胞都係用緊價錢平大大截嘅國產小米手機嘅。

話說有個孝順女用快遞寄咗部小米手機畀老母，點知三日後老母收到嘅，係就係米，但變咗真係食得嗰啲大米呀！孝順女同快遞公司傾咗幾次先傾好賠返原價咋。

之前李克強讚小米董事嘅時候，就同佢講過「你的『小米』現在變成『大米』了！」嘩，唔通總理係先知嚟嘅？！

明明係小米就變大米，真係好過份囉！咁變法起碼大家都係蘋果呀嘛，仲要一樣咬咗啖㗎?！

資料來源：快遞「小米」機 老媽竟收到一把大米/中時電子報、李克強讚雷軍小米變大米/

中時電子報