名作家九把刀噚日喺facebook度公開咗佢中學時期嘅最後一篇作文。唔好以為大作家細細個嘅作文一定就係出類拔萃，人見人讚，相反，佢篇作文仲畀老師點評「話題奇特」。冇奶油㗎，肯肯定係個老師唔識貨啦，我哋一齊睇吓先。

話說呢篇作文係自由題，咁自由奔放嘅九把刀就決定寫「兄弟有緣之倍射與自爆」嘞。嗱，唔好諗錯隔籬呀，「倍射」同「自爆」係佢啲同學仔個 （花）名嚟。大概就係講呢兩個同學仔如何相親相愛、共渡生死嘅非暴力淒美浪漫友情愛情故事。

而阿老師畀咗佢87分，不過留咗12字真言：「話題奇特  文旨何在  稍感模糊」。

怎可能？明明就係「話題適中  出字成文  情感精準」啊！成篇文都好有愛囉，hehe！

PS. 我學到好多四字成語同埋現代新詩呀，Yeah！

來源：九把刀