最令香港人滾動嘅，應該係撐傘同埋愛，而近日由Imgur傳開嘅一張相，包含晒呢兩大洋蔥，唔滾動就奇！

一位叫 jagershotzz嘅網民上載咗呢張充滿愛嘅相，然後喺你哋平時日諗夜諗點打好嘅caption度，好簡單咁就咁打個 “Dads”咋，就震撼咗70億人嘅心靈喇！大雨傾城那天，爸爸有遮，但都全身濕晒，因為，佢把遮根本就冇遮過自己，只係遮住佢仲讀緊幼稚園嘅仔仔。不過，其實爸爸可以抱起仔仔，咁咪兩個都唔會濕身囉？

嗯，讀咗咁多年朱自清嘅背影，而家終於有接班喇！其實呢啲相都幾好吖，希望大家以後舉起部相機，唔會淨係影啲唔讓座、伸腳過對面、十幾巴港女⋯⋯或者美食花生相，而都可以有呢啲洋蔥相啦，毛毛好想有多啲愛，畀多啲愛包圍啊！嗚呀！

來源：Imgur