香港人整好西真係特別多方法，今日毛毛豬就去咗一間聲稱有全港第一嘅厚多士嘅餐廳，會一會佢個好西先～

呢個油砂厚多士就喺佢嘅招牌！充滿霸氣嘅厚麵包微微烘過，表面搽上牛油，再灑上砂糖。食落口啲砂糖會同牛油融埋一齊，甜度啱啱好，不過塊麵包真係好厚，所以毛毛豬建議細食嘅妹豬可以幾個人一齊開心些牙呀。

嚟得茶記當然要叫杯茶走試下啦～茶走冇咗茶味嘅苦澀，突出返奶嘅甜味，配油砂多食就啱晒。

呢間茶記位於市政大廈嘅熟食中心入面，所以好多街坊都會嚟呢度食下午茶，一路聽住佢哋吹水一路食厚多士，其實都幾有風味㗎！

餐廳資料：

昌記

地址：跑馬地毓秀街2號黃泥涌市政大廈2樓1及5號

營業時間：星期一至六: 07:00-18:00　星期日: 每月不定時開一日

電話：2573 5910