2015年09月15日 星期二
有中國特色嘅環球影城2019開幕？
拍拖除咗做愛做嘅事之外，一定唔少得去主題公園玩啦，不過好多人都話香港嗰兩個主題公園都已經玩到厭晒......冇有怕，呢方面強國絕對可以滿足到你哋，嚟緊迪士尼咪會喺上海開幕囉，到時加入中國特色嘅迪士尼一定可以畀到新鮮感大家！
不過毛毛都知一個上海迪士尼滿足唔到大家，而家北京都話2019年會開全球最大嘅環球影城喇！等我話畀你哋知即係有幾大啦，嗱，一個大阪環球影城就有54公頃咁大，而強國環球影城將會有7.4個大阪個環球影城咁大呀！嘩，真係玩到精盡人亡都未玩完......
新聞就話強國環球影城都會加入強國元素吖，唔知啲中國特色會唔會滲埋落Minions精品度呢？咁多人都鍾意Minions，睇嚟大家到時就可以瘋狂掃貨，帶晒啲咁打耳嘅Minions返屋企喇～
