毛毛一直以嚟都冇買車，唔係因為冇錢買或者考牌肥佬囉，係因為搵唔到架啱我嘅座駕咋！而今日，係一個值得紀念嘅日子，事關毛毛終於搵到我嘅dream car喇！

就係呢架單人紅色跑車呀！好尊貴㗎，淨係車到我一個，點都唔會車其他閒雜人（其實係冇人想坐我車……）毛毛宣佈幫架dream car改名做「超級無敵法式旋轉型一人獨享尊貴跑車」，簡稱「毒L之車」。

毛毛架紅色戰車性能好強㗎，絕對唔會好似其他跑車咁易死火要人拖！