「香港係一個華洋雜處，中西文化匯聚嘅地方……」呢啲嘢小學就識背啦，香港有好多嘢食係又中又西，撈埋一碟㗎。

有網友話喺中上環一間點心專門店嗌咗碟鳳爪，食到咁上下，撩一撩個底，竟然有啲……喺下面！唔係老鼠小強呀，係幾條波浪紋薯條！個老闆又幾有生意頭腦，而家興fusion呀，fusion點心可以賣貴好多㗎（好似係）！Between，嗰幾條嘢浸到軟晒咁，索晒啲汁，一定好入味。

Fusion真係一個大潮流，所以呢位讀者個媽媽都精心炮製油炸鬼蒸水蛋，相信可以令到日日出街食飯嘅仔仔女女都想多啲食住家飯！既然都係炸嘢，不如下次試下整薯條蒸水蛋啦，話唔定可以帶起新潮流！

資料來源：香港討論區