2015年09月16日 星期三
【iPhone6S 購買新方案】唔使賣腎嘅，捐精就得啦
蘋果出咗iPhone6S，唔使講都知會掀起新一輪盲搶挨瘋熱潮啦，今次仲要出埋玫瑰金色同復古鉛筆，超想要囉！之前就有兩個強國男為咗買挨瘋而打算賣腎！唉，真係瘋咗咩！
其實又唔使賣腎嘅，捐精就得啦，精出精還在嘛！最近有幾間強國精子庫喺微信將捐精同挨瘋拉埋嚟講，其中有間就話「捐40毫升國家補貼5,000元」！
係喎，強國賣緊5000幾蚊起，只要捐啲啲咁多多蛋白質就可以儲到錢買喇。反正日日都捐畀張紙巾㗎喇，捐畀精子庫咪仲有so？
之前有張惡搞圖話強國精子庫係咁樣樣運作嘅，不過佢好快就澄清咗喇，唔係毛毛實狗衝去怒捐！咩呀，鬼叫我窮但又想換挨瘋咩！
資料來源：鳳凰網、上海人類精子庫新浪博客
延伸閱讀：為咗買iphone6s可以去到幾盡？
