讀U除咗有所謂嘅大學5件事（即係走堂、上莊、住Hall、返part-time、拍拖）要做之外，仲有一個有丁先玩到嘅遊戲—Happy corner！不過，最近科大其中一個Hall竟然話唔准再玩呢隻game喎。

有科大同學仔喺HKUST Secrets post咗封疑似係舍監send嚟嘅email，內容大概係講班學生有覺唔瞓，走去玩人丁丁，仲將咁脆弱嘅小生命撞落條燈柱度，知唔知會……發出噪音，嘈住人瞓覺㗎！仲有呀，如果遇著條巨龍，撞爛咗條燈柱咁點算先？邊個賠返條柱畀人哋呀？所以舍監話如果再犯，就唔畀住Hall兩個星期呀。梗係啦，你整親條丁事小 （關人X事咩），條燈柱爛咗，壓到人事大呀！呢位舍監真係夠晒遠見，視野夠晒廣闊呀！

不過呢個舍監算好人喇，剩係唔畀你住Hall兩個星期。之前城大有個教授為咗唔畀學生上堂用電話，喺上堂前就要沒收手機呀！你哋都知道手機對廢青幾重要㗎啦，收咗，邊有得打機呀？

資料來源：HKUST Secrets　 

延伸閱讀：大學雞上堂唔准用手機同手提電腦