仲有唔夠兩個星期就到中秋，之前同大家介紹過汕頭名產嘅腐乳月餅吖，唔知有冇勇者買咗嚟試呢？而家又有幾款特色月餅再介紹畀大家～

首先有非常健康嘅韭菜雞蛋月餅，有豐富纖維之餘，又有蛋白質，一睇就知呢款月餅好啱想減肥嘅妹豬啦～

然後就有呢款朱古力香辣牛肉月餅，將甜到漏嘅朱古力同又香又辣嘅牛肉完美融合埋一齊，呢種味道，就好似小毒L迷失緊喺一場愛情遊戲當中咁，一樣咁複雜！

唔知呢個公仔麵月餅入面啲麵煮熟咗未，定係好似媽咪麵咁脆卜卜嘅呢？上面仲印住強國潮語「屌絲」?，都啱嘅，高富帥白富美就食燕窩月餅呢啲高級嘢，「屌絲」就梗係食呢啲cheap嘢啦～

中秋佳節有佳餚又點少得美酒呢，最後同大家隆重介紹......酒浸月餅！

所以話，強國人真係創意無極限，不過其實中秋節食乜嘢月餅又點喎，重要係中秋嗰晚有得同女神一齊睇嫦娥，第2日仲有假放吖嘛！

來源：經濟日報、新浪遼寧

延伸閱讀：呢啲月餅你夠唔夠膽試？