毛毛豬其實好鍾意食熱狗㗎，不過你知啦，啲熱狗又放腸仔又放茄汁咁，其實真係好肥！所以就有餐廳創作咗呢個乳酪熱狗喇～

呢個乳酪熱狗($32)有得揀原味或者士多啤梨味。少女心嘅毛毛豬當然要粉紅色嘅士多啤梨味啦～開頭我都以為佢個熱狗會係凍嘅，點知原來佢會好細心咁烘熱返畀你，再配埋冰涼嘅士多啤梨乳酪，成個冰火二重奏咁呀。

餐廳嘅裝修都配合返港女最鍾意嘅style呀，又雲石牆，又用埋同某間名牌珠寶店好似嘅湖水藍色，搞到成間店都即刻好似好高貴咁呀～可能有人會話乳酪都好肥㗎喎，其實……會肥嘅飲杯水都會肥，（自我安慰Mode）鍾意嘅，你哋都可以自製乳酪再夾牛角包食㗎！

餐廳資料：

Fairy Kiss

地址：九龍灣牛頭角道77號淘大商場第一期一樓F41-45號舖

營業時間：星期一至日: 11:00-22:00