見工嚟講，就好似in做女神兵仔咁，點都會扮晒正正常常，拎自己最好嗰面出嚟嘅，死都會忍住唔好泄咗自己啲毒氣出嚟。

有位網友喺親子王國討論區些牙咗佢個做面試官嘅朋友嘅facebook status，話說佢朋友in一個70後嘅時候，問到個70後有咩強項，喂大佬你正路都會答認真呀細心呀咁啦，點知佢，竟然答自己強項係性冷感，所以做嘢會專心啲。

毛毛一直以為咁有創意嘅interview答案只會發生喺90後身上，原來70後一樣有咁創新嘅人才！性冷感做嘢會專心啲，真係一言驚醒李克勤，毛毛相信呢句其實係歇後語，潛台詞係佢為人樂觀，凡事都識向好嗰方面諗！

唔止性冷感可以做強項㗎，下次見工不如試下咁答呀，肯肯定令個面試官忘記唔到你！

資料來源：親子王國