嘩嘩嘩！冇咗好多隻豬呀！光天化日之下竟然有啲咁嘅事發生......唔好誤會，毛毛係講緊強國又有高速公路貨車翻側事件，有一架載住大約150隻豬嘅貨車喺馬路度唔小心翻側，搞到啲豬喺馬路四圍咁走，有啲仲愈走愈遠！

如果根據國情，故事應該會發展到好似之前蘋果車同雞仔車翻側一樣，有好多村民突然亂入，然後齊齊「些牙」啲豬，你幾隻我幾隻咁！55，大家都係強國同胞，同一個阿爺、同一個紅太陽，有好嘢梗係要開心些牙啦～

不過可能啲豬真係太大隻啦，搞到連有免費豬都冇人要，啲村民最後竟然冇蒲頭......唔知點解，毛毛好似有少少明白啲豬嘅感受......就係冇人要毛毛隻豬囉，嗱，我指毛毛豬咋，嗚。

來源：東南網、新京報

回帶：強國盲搶雞