講到請假，我本嚟都以為自己係專家，一句not feeling well, wanna work at home就KO，之但係，原來我拍馬都追唔上班怪獸家長！

為咗有平機票去旅行呀、可以去多幾日先返香港呀乜乜乜，家長幫仔女請事假去旅行是常識吧。

邊個話請假係去玩啫？你未聽過「讀萬卷書，不如行萬里路」咩？去一日旅行學嘅嘢，多過喺學校一年學嘅嘢啦（好似係），同個洋腸講幾句英文，啲listening同oral都即時進步神速呀，夠晒native！不過，請假去睇演唱會，詳細啲講，係請假去背歌詞同襯衫去睇演唱會，我真係第一次聽。

可能阿戴Sir都係第一次聽，佢初初見到Joey and Hacken呢兩個名，後面再加多個心心，以為個學生要去 J&H 婚禮啦，點知⋯⋯

唔知點解，我睇完「見克勤梗係要送禮啦」之後，硬係覺得個家長好似寸緊送禮勤咁。Any肥，邊個話睇演唱會冇嘢學啫？唔止音樂造詣有得學，連bra bra性教育都有得學呀（好似係）！

來源：親子王國、90後教師決戰怪獸家長