人通常都係犯賤嘅，愈叫啲人唔好做，啲人就愈心思思想做......所以話，如果要出張告示嘅話，真係唔寫得惡毒啲都唔得！

最近有網民喺一間賣家居擺設嘅鋪頭度，見到張好得人驚嘅告示，上面竟然寫住「偷竊的話，要用肉體償還」？喂咪住先，如果個body係私煙嘅話，你要唔要先？

之前網上都流傳咗更刻毒、更涼薄嘅告示，上面寫住：「你第一日學屙屎呀？使唔使公司請人教你點屙屎呀？」，真心問，如果應徵教屙屎應該要啲咩資歷呢？有X年經驗？能一眼辨別品種？

另外有張告示雖然唔算惡毒，但上面就寫咗句好得人驚嘅警告：「請勿在此射精！」，嘩嘩嘩......邊個，邊個咁做？

不過連愛做嘅事都可以隨時隨地做，呢啲小意思啦......真係國家要開放，思想要開放，睇嚟香港同國家嘅距離又近咗喇！啪啪啪！（公開啪得啩）

來源：NG Kai Yin Ashton／‎笑死朕、香港討論區、痞客邦