為求盡快上車，一班廢青無所不用其極，包括禁慾，我指禁止自己買iPhone6s、睇戲同去日本嘅慾望，不過現實似乎點禁都係追唔上樓價，咁辛苦做乜吖？於是乎廢青又向另一個方法埋手，就係公屋。仲要係「特快公屋」。

呢期，「特快公屋編配計劃」又開始畀大家去揀樓喇，正所謂邊有咁大隻蛤蟆隨街跳吖？有得畀你咁快上嘅，冇人同你爭嘅（其實都有8萬幾人爭），梗係有啲瑕疵嘅。

咪就係有啲不愉快事件發生過咁囉，冇乜嘢嘅，係嗰啲唔想你咁快上到樓嘅人，幫佢改個名叫「凶宅」啫，咁就可以嚇窒咗一大班廢青嘛。不過，好似台灣呢個樓盤廣告話齋，鬼之嘛，有乜好怕？

鬼不可怕，比鬼更超然的才可怕，555555。

來源：房屋署、Zong Wang/爆料公社