商務及經濟發展局局長蘇錦樑話，8月份嚟強國旅客訪港人數又跌咗7%喇！唉，之前689咪話咗唔可以破壞香港嘅好客形象囉，班廢青又喺度阻住地球轉，冇咗班強國旅客，香港人就要乞食㗎喇......嗯，好似係。

不過好彩，有先見之明嘅屈人寺就喺呢個時候出招救港，仲唔使用暴力！佢哋推出咗一個價值$1888嘅強國客福袋，又牙膏又mask屎又金莎呀咁，完全啱晒強國人嘅口味！仲有，平時日本人啲福袋係用紙袋或者布袋裝住㗎嘛，一啲都唔方便，但屈人寺就細心得多，佢哋包埋個靚靚喼，咁就方便得多啦，一拖就得。

嘩！$1888就包咁多嘢，抵到爛，畀着我係強國客就即刻買返一打半打返鄉下啦～買咁多唔知點運返去？唔緊要，香港勝在有港鐵吖嘛，運喼easy執啦！

來源：Nd Andy／‎上水粉嶺人分享會