香港土地問題嚴重，正苦遲遲都唔著手處理，巿民就惟有發揮自己嘅小宇宙，喺有限嘅空間創造出無限嘅可能。就好似噚晚呢兩個巿民咁，就將巴士站變身成為羽毛球場嘞。

咁大個巴士站，又唔係分分秒秒都有巴士嘅，空置咗喺度，好嘥啫。你哋知唔知道而家好難卜場打波㗎，最多卜十日內嘅場，但就算你咁神心一朝早7點準時撳掣卜場，都未必卜得到㗎，同買演唱會飛一樣，這些機會永遠不屬於你。毛毛就試咗下星期六晚，九龍區其中幾個場啦，結果......

咪full晒囉！嗱，巴士站反正都劃晒一區區，咪可以分幾個場打波囉，以線為界，以欄杆為網，搞掂！

其實巴士站仲有好多功能㗎，唔止可以做球場，仲可以做戰場（好似係）！